Датчане адмяняюць падатак на кнігі, каб заахвоціць людзей больш чытаць
Кнігі / pixabay.com
Урад Даніі абвясціў аб адмене падатку, які прадаўцы плацілі з продажу кніг. У гэтай краіне ён адзін з самых высокіх у свеце — 25%, паведамляе BBC.
У датскім міністэрстве культуры спадзяюцца, што гэта прывядзе да росту папулярнасці чытання. Мера абыйдзецца бюджэту амаль у 50 мільёнаў долараў.
Рашэнне не выпадковае — дадзеныя міжурадавага аналітычнага цэнтра паказваюць, што чвэрць пятнаццацігадовых датчан не могуць зразумець просты тэкст. Гэта тлумачаць тым, што ў моладзі занадта шмат альтэрнатыў чытанню, і яны лёгка пераключаюць увагу.
Адмена падатку на кнігі праблему цалкам не вырашыць, але, па меншай меры, зробіць літаратуру больш даступнай.
