Беларуска прыйшла ў госці — і атрымала катлетай у вока
Катлеты, ілюстрацыйнае фота / pixabay.com
Крымінальнай справай скончылася застолле, якое наладзіла ў сябе дома 47-гадовая жыхарка Баранавіцкага раёна.
У госці да яе прыйшла 57-гадовая прыяцелька. На кухні госця пераключыла ўвагу на мабільны тэлефон і не пачула звароту гаспадыні кватэры. Тады гаспадыня кінула ў яе катлету ў паніровачных сухарах, каб прыцягнуць увагу.
Катлета трапіла ў левае вока жанчыны, у выніку чаго тая атрымала траўмы і была вымушаная звярнуцца да медыкаў.
Эксперты з Дзяржкамітэта судовых экспертыз зафіксавалі ў жанчыны рану рагавіцы і склеры левага вока, ўскладненыя паражэннем сасудзістай абалонкі вока і зніжэннем вастрыні зроку. Гэтыя траўмы яны кваліфікавалі як менш цяжкія па прыкмеце значнай стойкай страты агульнай працаздольнасці.
