"Беларусьфільм" разам з Татарстанам здымуць фільм пра ўдзельнікаў "СВА"
Міляуша Айтуганава / tatar-inform.ru
"Беларусьфільм" сумесна з кінастудыяй Татарстана плануе зняць стужку пра ўдзельнікаў антыўкраінскай вайны. Працоўная назва фільма — "Нік".
"Тэма моладзевая — пра тое, як айцішнік, які страціў брата ў зоне СВА (у Расіі вайну супраць Украіны называюць "спецыяльнай ваеннай аперацыяй"), едзе туды і выкарыстоўвае свой талент, ён геній у ІТ-сферы. Вельмі закручаная гісторыя", — падзялілася падрабязнасцямі дырэктарка кінастудыі "Татаркіно" Міляуша Айтуганава ў эфіры дзяржаўнага "Першага інфармацыйнага" тэлеканала.
Цяпер беларуская кінастудыя завяршае здымкі сумеснага з Расіяй фільма "Бацька Мінай. Партызанская легенда". Яго прэм'ера запланаваная на 2026 год.
