Беларус напаў на чужое дзіця ў аэрапорце Шарамеццева — малы ў коме

У маскоўскім аэрапорце Шарамеццева мужчына падышоў да чужога дзіцяці, падняў яго на рукі і з сілай кінуў аб падлогу. Пра гэты выпадак піша расійскі тг-канал Baza.

Інцыдэнт, як паведамляецца, здарыўся ўвечары 23 чэрвеня ў зоне выдачы багажу тэрмінала С. Мужчына (як выявілася, гэта быў 31-гадовы грамадзянін Беларусі Уладзімір В., які прыляцеў з Кабула) наблізіўся да двухгадовага хлопчыка, рэзка ўзяў яго на рукі і моцна кінуў на падлогу. Ад удару галавой малы страціў прытомнасць.

Дзіцяці аказалі першую дапамогу і шпіталізавалі ў дзіцячы клінічны цэнтр. Хлопчык знаходзіцца ў каматозным стане. Лекары дыягнаставалі ў яго ўдар галаўнога мозгу.

Мужчыну затрымалі і адправілі на медабследаванне. Відавочцы сцвярджаюць, што ён быў у відавочна неадэкватным стане.