Байцы Нацгвардыі "з фронту" прыйшлі ў Кіеў з патрабаваннем да ўлады (відэа)
Каля 40 вайскоўцаў першага рэзервовага батальёну патрабуюць прызнаць іх удзельнікамі баявых дзеянняў.
Яны прыйшлі калонай да будынка Кабінета міністраў, каб прыцягнуць увагу да сваіх праблемаў. Пасля вяртання з зоны правядзення антытэрарыстычнай аперацыі, у тым ліку і з ваколіц Славянска, байцы даведаліся, што ім у дакументах запісалі нясенне службы ў... Днепрапятроўскай вобласці, альбо ў раёнах Данецкай вобласці, дзе баявых дзеянняў не было. У сувязі з гэтым, гвардзейцы плануюць таксама звярнуцца да кіраўніцтва Нацгвардыі і Міністэрства абароны, інфармуе УНН.
Там часам расійскія СМІ падаюць гэтую сітуацыю, як "бунт" аднаго з падраздзяленняў Нацыянальнай гвардыі.
У Міністэрстве абароны Украіны супакойваюць, што ўсе ўдзельнікі баявых дзеянняў атрымаюць адпаведныя пасведчанні.
Фота — УНН
