10 гадоў калоніі прысудзілі каліноўцу Максіму Ралько
Максім Ралько / АНТ
Каліноўца Максіма Ралько, які невядома як апынуўся ў Беларусі, асудзілі на 10 гадоў калоніі, заўважыла "Наша Ніва".
Ралько служыў у палку Каліноўскага ў 2022-2024 гадах, але на фронце не быў: ахоўваў склады і базу ў тыле. На пачатку 2024-га хлопец звольніўся з палка і пераехаў у Польшчу, дзе атрымаў статус дадатковай абароны.
Пазней ён спрабаваў падацца на прытулак у Германіі, але ўрэшце уцёк з лагера для бежанцаў, пакінуўшы там усе дакументы, у тым ліку пашпарт.
Як заяўлялі прапагандысты, Ралько спрабаваў вярнуцца ў Беларусь, і яго затрымалі на беларуска-польскай мяжы. Упершыню яго паказалі год таму — 20 лістапада 2024-га.
