ЗША пагражаюць спыніць ролю пасярэдніка паміж Расіяй і Украінай
Марка Рубіа / Reuters / Scanpix
ЗША перастануць быць пасярэднікам паміж Расіяй і Украінай, калі не з’явіцца "яўных прыкмет" магчымай здзелкі. Такую заяву зрабіў дзяржсакратар Марка Рубіа.
"ЗША тры гады падтрымлівалі Украіну, але цяпер яны дасягнулі кропкі, калі трэба сфакусавацца на іншым", — зазначыў кіраўнік Дзярждэпа.
"Яўных прыкмет" ЗША чакаюць цягам некалькі дзён. Раней паведамлялася, што на гэтым тыдні Белы дом чакае адказу Пуціна на прапанове спынення агню.
Таксама Рубіа заявіў, што краіны ЕС мусяць быць уцягнутыя ва ўрэгуляванне вайны: "Краіны ЕС павінны быць уцягнутыя ва ўрэгуляванне на Украіне, каб адмена еўрапейскіх санкцый магла стаць часткай пагаднення". Раней усе перамовы ладзіліся без еўрапейцаў, хаця тыя патрабавалі свайго ўдзелу.
Дональд Трамп хацеў дамагчыся часовага перамір’я цягам сваіх першых 100 дзён на пасадзе. Гэты тэрмін заканчваецца 30 красавіка.
@euroradio.lite ЗША больш не будуць падтрымліваць Украіну? Дзяржаўны сакратар ЗША Марка Рубіа кажа, што ў краіны ёсць "іншыя задачы". #навіны #усвеце #зша #украіна #расіяукраіна #украина🇺🇦 #україна #вайнаваукраіне #россияукраина ♬ original sound - Еўрарадыё.Лайт
