У Мінску з рэалізацыі знята каля тоны пратэрмінаваных прадуктаў

Санітарная службы Мінска падчас праверак у сталічных крамах толькі за травень канфісвавалі каля 1 тоны прадуктаў, тэрмін захоўвання якіх мінуў. Агенцтва “Минск-новости” паведамляе, што парушэнні былі выяўленыя у 60% з 535 правераных гандлёвых кропак. На некаторы час прыпынялася праца кожнай пятай з правераных крамаў.

Па выніках праверак аштрафавана 304 службовых асобы, вынесенае 81 пастанова аб забароне рэалізацыі прадуктаў харчавання. Аднак тым, хто атруціўся пратэрмінаванымі прадуктамі, ад гэтага не лягчэй.