У Каўнасе паставілі скульптуру Chuilo з тварам Пуціна

17 лютага на паркоўцы Каўнаскага замка з'явілася "партызанская" арт-інсталяцыя. У ёй сімвалічна абьыгрываецца вобраз Уладзіміра Пуціна.

Правакацыйную скульптуру Chuilo стварыў скульптар Марцінас Гаўбас. У вышыню яна мае больш за два метры. Сваю акцыю мастак прымеркаваў да трэцяй гадавіны з пачатку шырокамаштабнай расійскай агрэсіі супраць Украіны, піша delfi.lt.

Над пластыкавай фігурай Гаўбас працаваў каля двух гадоў. Праца, як кажа аўтар, выкананая ў стылі поп-арт — яе сімволіка і пасланне зразумелыя кожнаму. Скульптар прызнае, што яго твор наўрад ці можа называцца эстэтычна прывабным, затое вобраз як найлепш адпавядае расійскаму кіраўніку.

Таксама Гаўбас плануе адправіцца са сваёй акцыяй-перформансам у падтрымку Украіны па іншых гарадах Літвы.