Жыхары Століна дадуць назвы новым вуліцам горада
З такой прапановай да гараджанаў звярнуўся мясцовы райвыканкам.
Як піша газета “Навіны Палесся”, назвы мусяць атрымаць 19 новых вуліцаў у квартале "Столінрэмбуд". Умоваў пры гэтым няшмат. Назвы павінны быць простымі і лёгкімі, яны мусяць адлюстроўваць асаблівасці Століншчыны ці прысвячацца знакамітым землякам.
Ці атрымае новую назву ўвесь квартал з такім немілагучным найменнем, не паведамляецца.
Фота: radzima.net
