Журналіст Міхал Карневіч аштрафаваны
Суд Ленінскага раёна Гродна прысудзіў яму штраф ў 1 мільён 50 тысяч рублёў.
Карэспандэнт Радыё Свабода прызнаны вінаватым ва ўдзеле ў несанкцыянаванай акцыі 3 ліпеня. Гэта адбылося нягледзячы на тое, што ў суд быў прадстаўлены дакумент, што Міхал выконваў рэдакцыйнае заданне.
Журналіст збіраецца абскардзіць гэтае рашэнне ў абласным судзе, бо лічыць сваю справу сфабрыкаванай.
