Узламаныя вэб-кашалькі "маўклівай рэвалюцыі"
Пра гэта паведамляецца ў лісце, які рассылаюць ініцыятары "маўклівых акцый".
Яны заяўляюць, што напад на вэб-рахункі адбыўся сёння, 5 ліпеня. Некаторыя карыстальнікі пакідаюць прэтэнзіі, не адпаведныя рэчаіснасці, кажуць аўтары ліста. На іх думку, ёсць верагоднасць таго, што ўлады атрымаюць магчымасць выкрасці грошы, якія збіраюцца на ўзаемадапамогу: выплату штрафаў і г.д.
Ініцыятары збіраюцца неўзабаве блакаваць вэб-кашалькі і просяць пакуль што не пераводзіць ахвяраванні ў Фонд народнай узаемадапамогі.
