У Віцебску здымаюць кіно пра гісторыю мясцовага гета
Фільм "Зламаныя лёсы. Віцебскае гета" здымае габрэйская абшчына Віцебску.
Як паведамляюць "Народныя навіны Віцебска", сцэнар фільма пісалі калектыўна. Кінастужка будзе складацца з мастацкай, дакументальнай, архіўнай частак і інтэрв'ю з яшчэ жывымі былымі вязнямі Віцебскага гета.
Ужо прайшлі першыя здымачныя дні. Яны былі прысвечаныя даваеннаму жыццю віцебскіх габрэяў.
