У цэнтры Мінска паваліўся аўтакран (ФОТА, ВІДЭА)
Гэта здарылася 13 ліпеня на будоўлі Прэзідэнт-гатэля.
Аўтакран на аўтамабільным шасі заваліўся назад. Усе колы адарваліся ад зямлі. Страла крана ўпала на адно з рабочых памяшканняў.
Месца здарэння ачэпленае спецагароджай. На будаўнічую пляцоўку прыбылі супрацоўнікі МНС, за парадкам сочыць міліцыя. Як паведаміў з месца падзеяў карэспандэнт Еўрарадыё Ілля Маліноўскі, пацярпелых не было, машыніст крану паспеў выскачыць з кабіны. Прычынай аварыі называюць пакуль тое, што тэхніка была старой і тэхнічна няспраўнай.
Паводле неправеранай інфармацыі, кран падымаў груз большы за дазволены.
