У Магілёве ўсталявалі нацыянальны рэкорд першакрасавіцкага шуму (фота)
У Магілёве 1 красавіка адбыўся флэш-моб. На ім гараджане ўсталявалі нацыянальны рэкорд шуму і смеху.
Магілёўцы прыйшлі на Савецкую плошчу з дудзелкамі, свісцелкамі, пішчалкамі ды іншымі гучнымі рэчамі. У 14гадзін усе адначасова пачалі грымець, шумець і крычаць. Узровень шуму фіксаваўся спецыяльным прыборам — шумамерам. У выніку быў зафіксаваны ўзровень шуму роўны 120 Дб.
У флэш-мобе прынялі ўдзел школьнікі магілёўскіх сярэдніх школ №1 і №21, студэнты Беларуска-Расійскага ўніверсітэта, а таксама звычайныя мінакі. Флэш-моб быў арганізаваны тэлерадыёкампаніяй "Магілёў". У ім прынялі ўдзел каля 100 магілёўцаў.
Фота: Еўрарадыё
