У Італіі дэманстранты паранілі 200 паліцэйскіх
У адказ паліцыя затрымала пяць чалавек.
Каля 200 супрацоўнікаў праваахоўных органаў былі параненыя ў нядзелю пры сутыкненнях з удзельнікамі акцыі пратэсту. Дэманстранты пратэставалі супраць будаўніцтва лініі высакахуткасных цягнікоў Турын-Ліён.
У маніфестацыі прынялі ўдзел больш за 50 тысяч чалавек. Да месца яе правядзення былі накіраваныя шэсць тысяч супрацоўнікаў праваахоўных органаў.
У выніку адбыліся сутыкненні паміж паліцыянтамі і праціўнікамі будаўніцтва новай жалезнай дарогі. Раненні атрымалі 188 паліцэйскіх, а таксама некалькі дзясяткаў маніфестантаў. Акрамя таго, пяць чалавек былі затрыманыя.
