У Глыбокім старшыня райвыканкама збірае макулатуру
Асабістым прыкладам ён вырашыў прыцягнуць увагу мясцовых жыхароў да акцыі.
Старшыня Глыбоцкага райвыканкама Алег Морхат асабістым прыкладам вырашыў прыцягнуць увагу жыхароў раёну да збору другаснай сыравіны. Ён здаў 45 кілаграмаў макулатуры і стаў такім чынам першым удзельнікам адпаведнай акцыі. Калі ў глыбачан не абудзіцца жаданне паспаборнічаць з кіраўніком адміністрацыі, то ён можа здабыць і нейкі прыз.
Мяняць на смецце ўсялякія карысныя рэчы — даўняя традыцыя глыбаччан. Так, школьнік Павел Іванчыкаў сабраў 12000 пустых паліэтыленавых бутэлек і атрымаў за іх ноутбук. Хлопец удзельнічаў у экалагічнай акцыі-конкурсе, дзе прызы атрымалі ўсе, хто сабраў больш як пяць тысяч бутэлек.
