У Баранавічах плануецца пікет з аднаго чалавека
Мікалай Чарнавус падаў у баранавіцкі гарвыканкам заяўку з просьбаю дазволіць правесці пікет 27-29 траўня ў старым парку. У пікеце мяркуе ўзяць удзел ён адзін.
Мэта пікету — прыцягнуць увагу да грамадскага аб’яднання “Кабзар”. Мясцовае ЖРЭУ спачатку вылучыла памяшканне для размяшчэння арганізацыі. Але калі дакументы былі накіраваныя ў аблвыканкам, камунальнікі адмовілі ў юрыдычнай адрэсе. Цяпер выхадцы з Украіны , што жывуць у Баранавічах, зноў пазбаўленыя магчымасці мець зарэгістраваную арганізацыю.
Пікет Мікалай Чарнавус прызначыў на дні правядзення “Баранавіцкай вясны”. Яна прымеркаваная да 140-годдзя горада.
