Сядзібу Агінскіх адрэстаўруюць валанцёры з краінаў СНД і Заходняй Еўропы
У вёсцы Залессе Смаргоньскага раёна будзе працаваць міжнародны добраахвотніцкі летнік.
Яго арганізуе рэспубліканскае грамадскае аб'яднанне "Беларуская Асацыяцыя клубаў ЮНЭСКА". Валанцёры будуць працаваць на рэстаўрацыі сядзібы Міхала Клеафаса Агінскага. Яны будуць дапамагаць будаўнікам: прыбіраць смецце, высякаць хмызняк і г.д.
Асацыяцыя клубаў ЮНЭСКА таксама вядзе перамовы пра арганізацыю такога ж міжнароднага летніка на тэрыторыі палаца Сапегаў у Ружанах, адзначае БЕЛТА.
Сёлета міжнародны добраахвотніцкі лагер пройдзе ў дзве змены, па два тыдні кожная. На беларускіх гісторыка-культурных аб'ектах будуць працаваць 40 чалавек. Акрамя таго, 20 добраахвотнікаў з Беларусі паедуць рэстаўраваць сярэднявечныя замкі ў Францыю і Нямеччыну.
