Пракуратура хоча дапытаць Івана Шылу па справе аб тэракце

Следчы  па найважнейшых справах пракуратуры Мінскай вобласці Ігар Масляк распавёў бацьку салігорскага маладафронтаўца Уладзіміру Шылу, што Івана шукаюць у сувязі з выбухам у мінскім метро. Адказаць на пытанне, у якім статусе знаходзіцца Іван, Масляк не змог. Па словах бацькі маладафронтаўца, следчы паведаміў аб магчымасці адпраўкі запыту ў польскую паліцыю для правядзення допыту Івана польскім бокам.

Бацькі атрымалі павестку на імя Івана аб неабходнасці з’явіцца 13 тарўня ў пракуратуру Салігорскага раёна. Але ж і ў ёй не быў пазначаны статус іх сына ды адсутнічала ўказанне на справу, па якой яго хочуць бачыць, паведамляе праваабарончы цэнтр "Вясна".

Нагадаем, Іван Шыла навучаецца ў Польшчы па праграме Каліноўскага.