Мінгарсуд не зняў з Бяляцкага папярэджанне ад Генпракуратуры
Судовы працэс прайшоў пры адсутнасці праваабаронцы. Яго інтарэсы прадстаўляў кіраўнік Беларускага Хельсінкскага камітэта Алег Гулак.
Бяляцкі яшчэ да арышту падаваў касацыйную скаргу на рашэнне суда Цэнтральнага раёну. Праваабаронца абскарджваў рашэнне Генпракуратуры, якая папярэдзіла яго за дзейнасць ад імя незарэгістраванага праваабарончага цэнтра "Вясна".
Мінгарсуд далучыўся да суда Цэнтральнага раёна, паведамляе Радыё "Свабода". Ён спаслаўся на закон аб грамадскіх аб'яднаннях, які забараняе дзейнічаць ад імя незарэгіставанай арганізацыі. У скарзе Бяляцкага было адмоўлена.
