Гродзенскі абласны суд не задаволіў скаргу Канстанціна Капліна
Аднарукага інваліда затрымалі 3 ліпеня на "маўклівай акцыі" і абвінавацілі, што ён "пляскаў у ладкі".
6 ліпеня гарадскі суд Гродна прызнаў Капліна вінаватым ва ўдзеле ў незаконным шэсці і пакараў штрафам — 1 мільён 50 тысяч рублёў. Гэтае рашэнне Каплін абскарджваў у абласным судзе, інфармуе БелаПАН. Аднак на судовым працэсе 9 жніўня суддзя Анатоль Заяц скаргу інваліда не задаволіў.
Дарэчы, за час "маўклівых акцыяў" па дапамогу да праваабаронцаў звярнуліся больш за 50 аштрафаваных гродзенцаў.
