Facebook спрабуе перамагчы камп'ютарны вірус
Найбуйнейшая ў свеце сацыяльная сетка працуе над вырашэннем праблемы.
"Ведаем і стараемся перамагчы", — цытуе словы супрацоўніка расійскага прадстаўніцтва Facebook РІА "Новости".
Нагадаем, вірус, які распаўсюджваецца па сацыяльнай сетцы, публікуе нібыта ад імя карыстальніка паведамленне са шкоднай спасылкай. Пры гэтым у паведамленні адзначаюцца сябры карыстальніка, што садзейнічае яго распаўсюду. І калі іншыя ўдзельнікі сацыяльнай сеткі пераходзяць па спасылцы, то іх кампутары таксама заражаюцца.
У такой сітуацыі спецыялісты па кібербяспецы раяць якмага хутчэй выдаліць паведамленне са шкоднай спасылкай, паведаміць сваім сябрам у сацсетцы аб праблеме, а таксама праверыць кампутар на наяўнасць вірусаў і змяніць пароль ад уліковага запісу ў Facebook.
Фота — ria.ru
