Апублікаваныя імёны 13 чыноўнікаў, якім забаронены ўезд на тэрыторыю ЕС

Папярэдні спіс са 175 чалавек дапоўнены прозвішчамі пераважна суддзяў і пракурораў, якія ўдзельнічалі ў судовых працэсах над удзельнікамі акцыі пратэсту 19 снежня.

У дадатковы спіс уключаны:

Уладзіслаў Шыкароў — суддзя Чыгуначнага раёна Віцебска;

Наталля Меркуль — дырэктар Талькаўскай сярэдняй школы (за звальненне па палітычных матывах настаўніцы гісторыі вышэйшай катэгорыі Наталлі Іллініч);

Святлана Акуліч — суддзя Пухавіцкага раёна Мінскай вобласці (за адхіленне пазову Іллініч пра аднаўленне на працы);

Наталля Пыкіна — суддзя Партызанскага раёна Мінску (працэс Мікіты Ліхавіда);

Сяргей Мазоўка — пракурор (працэс Змітра Дашкевіча і Эдуарда Лобава);

Дзмітры Аляксандраў — суддзя Вышэйшага эканамічнага суда (працэс па пазове "Аўтарадыё");

Валеры Вакульчык — начальнік Аператыўна-аналітычнага цэнтра пры Адміністрацыі прэзідэнта;

Наталля Чацвярткова — суддзя Партызанскага раёна Мінску (працэс Андрэя Саннікава, Іллі Васілевіча, Фёдара Мірзаянава, Алега Гнедчыка і Уладзіміра Яроменка);

Ала Булаш — суддзя Кастрычніцкага раёна Мінску (працэс Паўла Вінаградава, Змітра Дразда, Алеся Кіркевіча, Андрэя Пратасені і Уладзіміра Хамічэнкі);

Аляксандр Бароўскі — дзяржаўны абвінаваўца суда Кастрычніцкага раёна Мінску (працэс Паўла Вінаградава, Змітра Дразда, Алеся Кіркевіча, Андрэя Пратасені і Уладзіміра Хамічэнкі);

Дзмітры Сіманоўскі — дзяржаўны абвінаваўца суда Першамайскага раёна Мінску (працэс над Змітром Бандарэнкам);

Жанна Брысіна — суддзя Заводскага раёна Мінску (працэс Ірыны Халіп, Сяргея Марцалева і Паўла Севярынца);

Сяргей Жукоўскі — дзяржабвінаваўца суда Заводскага раёна Менска (працэс Ірыны Халіп, Сяргея Марцалева і Паўла Севярынца).

Спіс 13-ці чалавек, якіх Савет ЕС учора далучыў да "чорнага спісу", можна паглядзець тут.