Расійскі салдат паказаў, як "Грады" едуць да мяжы з Украінай (фота)
Салдат з РФ Міхаіл Чугунаў выклаў у сацсетку "Вконтакте" фатаграфіі установак "Град" з подпісам "Град" на Украіну".
Чугунаў наведваў сваю старонку 29 ліпеня, а апошні запіс зроблены 14 ліпеня: "У горадзе Мілерава... Растоўская вобл". Як адзначае УНІАН, горад Мілерава знаходзіцца за 20 км ад украінскай мяжы.
Акрамя гэтага, салдат з Расіі падзяліўся са сваімі падпісантамі фатаграфіяй установак "Град" і самалёта ІЛ-76, які "прызначаны ў нас для перавозкі машын і нас, кіроўцаў, на мяжу..."
Нагадаем, Украіна не раз заяўляла пра абстрэл украінскіх пазіцый з тэрыторыі Расіі.
