Расія не пускае аўстрыйскі самалёт, які ляціць у абыход Беларусі
Расія не дала дазвол на ўваход у сваю паветраную прастору самалёту Austrian Airlines. Ён накіроўваўся з Вены ў Маскву ў аблёт Беларусі. Новы паветраны калідор для борта не ўзгаднілі, паведамляе ТАСС.
Учора і сёння аналагічны дазвол на палёт па новым маршруце не атрымала Air France. Расійскія авіярэгулятары пакуль не каментуюць гэтыя падзеі.
Пасля прымусовай пасадкі рэйса Ryanair у мінскім аэрапорце Еўрапейскі рэгулятар рэкамендаваў авіякампаніям пазбягаць беларускай паветранай прасторы, назваўшы яе небяспечнай.
