Пуцін заявіў, што згодны спыніць баявыя дзеянні, але "ёсць нюансы"
Пуцін заявіў аб згодзе з прапановамі спыніць баявыя дзеянні і назваў умовы
"Мы згодныя з прапановамі спыніць баявыя дзеянні, але зыходзім з таго, што гэтае спыненне павінна прывесці да доўгатэрміновага міру і ліквідаваць першапрычыны крызісу", — заявіў Пуцін падчас сумеснай прэс-канферэнцыі з Лукашэнкам.
Ён таксама расказаў, што сітуацыя ў Курскай вобласці "цалкам пад кантролем", а УСУ нібыта знаходзяцца "ў ізаляцыі".
"У гэтых умовах, мне здаецца, для ўкраінскага боку вельмі добра было б дамагчыся перамір'я хаця б на 30 сутак. І мы "за", але ёсць нюансы", — заявіў Пуцін.
Ён лічыць, што за час перамір'я Украіна можа і далей праводзіць мабілізацыю і працягне атрымліваць зброю.
А яшчэ ён падзякаваў Трампу за яго намаганні па спыненні баявых дзеянняў.
