Нацбанк не хоча дзяліцца юанямі з беларусамі
Нацбанк захоўвае грошы ў доларах, еўра, а з нядаўняга часу — і кітайскіх юанях. Але набыць юань у беларускіх валютных касах па-ранейшаму немагчыма. Нягледзячы на тое, што з сакавіка з гэтай валютай пачаў працаваць "Беларусбанк". Для таго каб набыць юань, спярша хтосьці мусіць яго прадаць.
Такі адказ атрымала Еўрарадыё ў Пінскім філіяле банку.
Філіял №121, Пінск: “Тут у нас у аперацыйным адзяленні прымаюць, можаце падыйсці. Курс – 270 рублёў... У продажы няма... Калі б вы прынеслі, то былі б і ў продажы”.
У цэнтральным офісе Беларусбанку нам паведамілі, што з кітайскай валютай працуюць філіял № 100 ў Брэсце, Пінскі філіял №121, 802-гі філіял у Баранавічах. І тры мінскія філіялы — 511, 520, 524.
Ні ў адным з гэтых філіялаў юаняй не аказалася. Няма кітайскай валюты і ў Мінскім транзітным банку — адзіным банку апроч “Беларусбанка”, які таксама працуе з юанямі.
“Не, на жаль нічога няма. Мы працуем з абарачэння. Валюта проста такая... Шмат яе не бывае. Перыядычна з’яўляецца 200, 300, можа, 400. Але попыт вялікі, таму, як правіла, яны хутка і прадаюцца”.
За 400 юаняў давялося б заплаціць 108 тысяч беларускіх рублёў. Але зрабіць гэтага пакуль не выпадае. Што варта жалю, бо захоўваць зберажэнні ў юанях – вельмі перспектыўна, кажа эканаміст Леанід Заіка:
“Кітайскі юань – гэта даволі сур’ёзная грашовая адзінка. Гэтая валюта прагрэсуе, яна перспектыўная, надзейная. Беларусі даўно трэба было пачынаць працаваць з юанем. Уклады насельніцтва ў юані – вельмі перспектыўная справа. Гэта надзейная валюта. З пункту погляду надзейнасці долара, еўра і японскай іены, юань знаходзіцца на першых месцах”.
Самая экзатычная валюта, якую можна набыць у Беларусі, – японская іена. З ёй працуе Белзнешэканамбанк. А ў Мінскім транзітным банку апроч такіх распаўсюджаных валют, як расійскі рубель, грыўна, долар, еўра ды іншыя, вы зможаце купіць кіпрскія фунты ды турэцкія ліры. І, тэарытычна, кітайскі юань...
Такі адказ атрымала Еўрарадыё ў Пінскім філіяле банку.
Філіял №121, Пінск: “Тут у нас у аперацыйным адзяленні прымаюць, можаце падыйсці. Курс – 270 рублёў... У продажы няма... Калі б вы прынеслі, то былі б і ў продажы”.
У цэнтральным офісе Беларусбанку нам паведамілі, што з кітайскай валютай працуюць філіял № 100 ў Брэсце, Пінскі філіял №121, 802-гі філіял у Баранавічах. І тры мінскія філіялы — 511, 520, 524.
Ні ў адным з гэтых філіялаў юаняй не аказалася. Няма кітайскай валюты і ў Мінскім транзітным банку — адзіным банку апроч “Беларусбанка”, які таксама працуе з юанямі.
“Не, на жаль нічога няма. Мы працуем з абарачэння. Валюта проста такая... Шмат яе не бывае. Перыядычна з’яўляецца 200, 300, можа, 400. Але попыт вялікі, таму, як правіла, яны хутка і прадаюцца”.
За 400 юаняў давялося б заплаціць 108 тысяч беларускіх рублёў. Але зрабіць гэтага пакуль не выпадае. Што варта жалю, бо захоўваць зберажэнні ў юанях – вельмі перспектыўна, кажа эканаміст Леанід Заіка:
“Кітайскі юань – гэта даволі сур’ёзная грашовая адзінка. Гэтая валюта прагрэсуе, яна перспектыўная, надзейная. Беларусі даўно трэба было пачынаць працаваць з юанем. Уклады насельніцтва ў юані – вельмі перспектыўная справа. Гэта надзейная валюта. З пункту погляду надзейнасці долара, еўра і японскай іены, юань знаходзіцца на першых месцах”.
Самая экзатычная валюта, якую можна набыць у Беларусі, – японская іена. З ёй працуе Белзнешэканамбанк. А ў Мінскім транзітным банку апроч такіх распаўсюджаных валют, як расійскі рубель, грыўна, долар, еўра ды іншыя, вы зможаце купіць кіпрскія фунты ды турэцкія ліры. І, тэарытычна, кітайскі юань...
