Івашкевічу прысудзілі 10 сутак
У Савецкім судзе Мінска прайшоў разгляд адміністратыўнай справы Віктара Івашкевіча, які быў затрыманы 25 сакавіка і абвінавачаны ў дробным хуліганстве.
Суддзя адхіліла пратэст на выклік у суд сведак-міліцыянтаў, якія складалі пратакол, палічыўшы дастаковым пісьмовых доказаў. Рапарты складалі Біруля і Безлюдаў. Суддзя Аксана Рэлява пакарала Віктара Івашкевіча арыштам на 10 сутак, паведамляе праваабарончы цэнтр "Вясна".
