Беларусы сабралі больш за 100 тысяч еўра для палітвязняў
Беларусы працягваюць дапамагаць сваім / Еўрарадыё
Беларусы сабралі больш за 100 тысяч еўра для вызваленых палітвязняў, якіх прымусова дэпартавалі ў Літву. Гэта ў два разы больш за суму, якую планавалася сабраць.
Збор працягваецца і дагэтуль. Далучыцца можа кожны жадаючы, але памятайце пра сваю бяспеку.
Пра вызваленне 52 палітвязняў стала вядома 11 верасня. Сярод людзей, якіх выпусцілі — 14 замежных грамадзянаў і 38 грамадзянаў Беларусі.
Лідар сацыял-дэмакратычнай партыі "Народная грамада" Мікалай Статкевіч адмовіўся пераходзіць літоўскую мяжу і вярнуўся ў Белраусь. Родныя не ведаюць, дзе ён знаходзіцца і што з ім.
Як распавяла лідарка беларускіх дэмсілаў Святлана Ціханоўскай, у ЗША накіраваны ліст з просьбай знайсці чалавека, за якога пасля здзелкі з рэжымам Лукашэнкі амерыканскі бок няся адказнасць.
