Аналітык Андрэй Паротнікаў асуджаны на 10 гадоў калоніі

Аналітык і палітвязень Андрэй Паротнікаў асуджаны на 10 гадоў калоніі ўзмоцненага рэжыму, паведамляе ініцыятыва "Краіна для жыцця". Закрыты суд прайшоў яшчэ восенню мінулага года, яго вынік стаў вядомы толькі цяпер. Паротнікава судзілі па пяці артыкулах Крымінальнага кодэксу: "здрада дзяржаве" (ч. 1 арт. 356), "змова ці іншыя дзеянні, учыненыя з мэтай захопу ўлады" (ч. 1 арт. 357), "садзейнічанне экстрэмісцкай дзейнасці" (ч. 2 арт. 361-4), "уваходжанне ў склад экстрэмісцкага фармавання" (ч. 3 арт. 361-1) і "перашкода правядзенню выбарчых правоў" (ч. 2 арт. 191).

Андрэй Паротнікаў вядомы як эксперт у галіне бяспекі, вёў уласны блог Belarus Security Blog. КДБ яго затрымаў у пачатку вясны 2023-га. Беларускія праваабаронцы прызналі Паротнікава палітвязнем. Вядома, што ён не прызнае віны ў "здрадзе дзяржаве".

Суд пачаўся 16 кастрычніка 2024-га. Справу разглядаў Мінскі абласны суд (суддзя — Вячаслаў Тулейка).