У Слоніме механізаваную брыгаду прывялі ў поўную баявую гатоўнасць
У слонімскай брыгадзе / slonves.by
У Слоніме 11-ю асобную механізаваную брыгаду прывялі ў поўную баявую гатоўнасць. Пра гэта паведаміў яе камандзір падпалкоўнік Сяргей Шылін.
"Задача — праверыць здольнасць злучэння перавесціся ў дадзеную баявую ступень баявой гатоўнасці, ажыццявіць адмабілізаванне вайскоўцаў запасу, даўкамплектавацца адпаведнымі узбраеннем, ваеннай і спецыяльнай тэхнікай, здзейсніць марш у раёны выканання задач з правядзеннем тактычнага вучэння", — цытуе словы афіцэра прэс-служба Мінабароны.
Даукамплектаванне слонімскай брыгады праводзіцца за кошт ваеннаабавязаных з Брэсцкай і Гродзенскай абласцей. Напрыклад, з Ваўкавыска плануецца адправіць каля 170 чалавек.
Праверка баявой гатоўнасці Узброеных сіл Беларусі пачалася 3 красавіка. Агульнае кіраўніцтва здзяйсняе Дзяржсакратарыят Саўбеза.
