У Брэсце эвакуявалі людзей з праваслаўнага сабора
У Брэсце раніцай 23 лістапада эвакуявалі людзей з праваслаўнага Свята-Уваскрасенскага сабора. Трывогу ў старасты храма выклікала дарожная сумка, пакінутая каля плоту з знешняга боку. На месца прыехалі міліцыя і сапёры. З храма і тэрыторыі, якая была ачэплена, вывелі 10 чалавек. Праваахоўнікі перакрылі рух транспарту на Маскоўскай вуліцы.
Як паведамляе БЕЛТА, у дарожнай сумцы не аказалася ніякага выбуховага прыстасавання, толькі асабістыя рэчы.
Адзначым, што пасля тэрактаў у Парыжы беларусы сталі ўсё часцей звяртаць увагу на пакінутыя ў грамадскіх месцах рэчы. З-за гэтага нярэдка закрываюцца станцыі метро ў Мінску.
Фота: hram.by
