У Беларусі выпусцілі ўзор біяметрычнага пашпарта
Ужо гатовы доследны ўзор першага беларускага біяметрычнага пашпарта, паведамляе тэлеканал АНТ. Узор новага беларускага пашпарта на дзейсны падобны толькі колерам вокладкі. Усярэдзіне — старонкі з арнаментам слуцкіх паясоў. Вокладка стала таўсцейшай. У яе ўмантаваны электронны мікрачып. Інфармацыя з яго счытваецца адмысловымі сканерамі.
Мікрачып можа захоўваць да 72 кілабайт інфармацыі. Гэта персанальныя звесткі ўладальніка, лічбавае фота і адбіткі пальцаў рукі. Ад ідэі сканаваць сятчатку вока адмовіліся.
Падрабіць новае беларускае пасведчанне асобы практычна немагчыма, упэўненыя распрацоўшчыкі. У пашпарта 23 сучасныя сістэмы абароны: надпісы памерам некалькі мікрон і нанатэкст, адмысловыя фарбы і сеткі. Пры гэтым новы пашпарт толькі крыху даражэйшы за стары. Калі ўзор будзе зацверджаны, выдаваць новыя дакументы пачнуць ужо праз два гады. Першымі яго атрымаюць тыя, хто часта бывае за мяжой.
Мікрачып можа захоўваць да 72 кілабайт інфармацыі. Гэта персанальныя звесткі ўладальніка, лічбавае фота і адбіткі пальцаў рукі. Ад ідэі сканаваць сятчатку вока адмовіліся.
Падрабіць новае беларускае пасведчанне асобы практычна немагчыма, упэўненыя распрацоўшчыкі. У пашпарта 23 сучасныя сістэмы абароны: надпісы памерам некалькі мікрон і нанатэкст, адмысловыя фарбы і сеткі. Пры гэтым новы пашпарт толькі крыху даражэйшы за стары. Калі ўзор будзе зацверджаны, выдаваць новыя дакументы пачнуць ужо праз два гады. Першымі яго атрымаюць тыя, хто часта бывае за мяжой.
