Журналістаў з "чорнага спісу" ЕС не пусцілі на міжнародную нараду ў Вільні
Нарада прысвячаецца бяспецы журналістаў у рэгіёне АБСЕ і адбываецца ў Вільні 7 і 8 чэрвеня.
Прадстаўнікі Беларускага саюзу журналістаў атрымалі запрашэнне да ўдзелу ў нарадзе, падпісанае намеснікам міністра замежных справаў Літвы Эвальдасам Ігнатавічусам.
Аднак літоўская амбасада адмовіла прадстаўнікам БСЖ у выдачы візы, паведамляе БЕЛТА. Дыпламаты спаслаліся на санкцыі, уведзеныя Саветам ЕС.
Нагадаем, што ў "чорны спіс Еўрасаюзу" трапілі кіраўнікі афіцыйнага саюзу журналістаў і вядучыя супрацоўнікі дзяржаўных СМІ.
