Вярхоўны суд заклікаў экспертаў АБСЕ да аб'ектыўнасці
Вярхоўны суд Беларусі разлічвае на аб'ектыўную ацэнку экспертамі БДІПЧ АБСЕ судовых працэсаў над удзельнікамі акцыі 19 снежня.
Аб гэтым заявіў сёння на сустрэчы з удзельнікамі місіі БДІПЧ АБСЕ намеснік старшыні Вярхоўнага суду Валер Калінковіч, паведамляе БЕЛТА са спасылкай на прэс-службу ВС.
Па словах Калінковіча, любыя пазасудовыя ацэнкі вынікаў разгляду крымінальных спраў будуць расцэньвацца як ціск на суд.
З боку БДІПЧ АБСЕ на сустрэчы ўдзельнічалі кіраўнік дэпартамента па правах чалавека Сняжана Бакуліч і эксперт па пытаннях правоў чалавека Віктар Петэр Улам.
