У судзе Варламава аб'явілі перапынак, абследуюць яго стан здароўя
Пра гэта на прэс-канферэнцыі ў Мінску паведаміў намеснік генеральнага пракурора Аляксей Стук.
Перапынак пачнецца 15 лютага. Вось што распавёў Аляксей Стук:
"Судом таксама праяўленая заклапочанасць здароўем гэтага абвінавачанага. І якраз на заўтра, 15 лютага, у судовым паседжанні зроблены перапынак. І ён будзе праходзіць МРТ, і ў залежнасці ад гэтага будзе вырашацца пытанне, з улікам стану яго здароўя, аб працягу працэсу".
Праз некалькі гадзінаў пасля прэс-канферэнцыі Стука пра перапынак у судзе аб'явіла і суддзя. Паводле яе словаў, працэс адновіцца ў панядзелак, 18 лютага, а 11-й гадзіне. Нагадаем, што суд над вядомым мадэльерам праходзіць у Ленінскім судзе сталіцы.
Сашу Варламава вінавацяць у махлярстве ў асабліва буйным памеры,
прыўлашчванні маёмасці, ухіленні ад уплаты падаткаў, злоўжыванні
службовымі паўнамоцтвамі, крадзяжы ў буйным памеры.
Мадэльер
знаходзіцца за кратамі з 20 траўня 2011 года. Ён займаў пасаду дырэктара
прадпрыемства "Агенцтва моды Сашы Варламава", кіраўніка Цэнтра
моладзевай моды БДУ ды інш.
