У плэй-оф Лігі Еўропы БАТЭ згуляе з ПСЖ

Шарык з назвай барысаўскай каманды дасталі з кошыка перадапошнім. У іншым кошыку на той момант заставаліся толькі Leverkusen ды ПСЖ. Менавіта парыжан лёсаванне і вызначыла ў спарынг-партнёры барысаўчан. 

Прынцыповыя сапернікі БАТЭ па адборачнай групе — "Дынама" (Кіеў) — сустрэнуцца з турэцкім "Бешыкташам". Іншы ўкраінскі клуб — "Металіст" — згуляе супраць нямецкага Leverkusen. "Лех" былога паўабаронцы БАТЭ Сяргея Крыўца сустрэнецца з партугальскім клубам клубам "Брага".

Цікава, што два расійскія ўдзельнікі Лігі Еўропы — "Спартак" (Масква) і "Зеніт" (Санкт-Пецярбург) — сустрэнуцца з дзвюма швейцарскімі камандамі, "Базэлем" і Young Boys адпаведна. Маскоўскі ЦСКА згуляе супраць грэцкага клуба PAOK, яшчэ адзін расійскі клуб — казанскі "Рубін" — будзе супрацьстаяць Twente з Галандыі.

У выніку перамогі БАТЭ сустрэнецца з пераможцам пары "Бенфіка" — "Штутгарт".