Прысуд Зміцеру Бандарэнку будзе абскарджаны
Пра гэта заявіла пасля абвяшчэння прысуду Першамайскага суду Мінска жонка палітыка Вольга Бандарэнка.
27 красавіка суддзя Таццяна Равінская асудзіла Зміцера Бандарэнку, каардынатара грамадзянскай кампаніі "Еўрапейская Беларусь ", давераную асобу экс-кандыдата ў прэзідэнты Беларусі на выбарах-2010 Андрэя Саннікава да двух гадоў пазбаўлення волі ў калоніі агульнага рэжыму, прызнаўшы яго вінаватым "у арганізацыі групавых дзеянняў, якія груба парушаюць грамадскі парадак, і актыўным удзеле ў іх".
Сам Бандарэнка лічыць справу аб масавых беспарадках "не крымінальнай, а палітычнай", перадае БелаПАН.
