На Нямізе затрымлівалі людзей з "Саўбелкай" у руках
Увечары 21 чэрвеня ў Мінску на Нямізе былі затрыманыя некалькі ўдзельнікаў флэш-мобу супраць газеты "Советская Белоруссия".
Як паведамляе сайт "Вясна", актывісты дамовіліся праз інтэрнэт стаць каля грамадскай прыбіральні, трымаючы афіцыёзную газету. Да іх адразу ж падышлі пераапранутыя супрацоўнікі міліцыі і адвялі ў чырвоны спецназаўскі аўтобус за Палацам спорту.
У пастарунак трапілі Віктар Пятроў і Вадзім Шчаглоў. У іх праверылі пашпартных звесткі, "адкаталі пальцы" і адпусцілі без складання пратаколаў.
