Фанаты "Ліверпуля" выкупілі 275 квіткоў на матч з "Гомелем"
І заявілі пра жаданне набыць яшчэ 200 квіткоў.
Пра гэта ў сваім твітары паведаміў дырэктар ФК "Гомель" Яўген Пабалавец. Па яго звестках, 90% квіткоў на матч ужо выкуплена фанатамі клуба, нягледзячы на рэкордныя кошты — ад 150 да 400 тысяч за квіток. Ажыятажа ля кас стадыёна "Цэнтральны" ужо няма, разжыцца квітком можа кожны жадаючы.
"Ліверпуль" прыедзе ў Гомель 2 жніўня на гульню 3-га раўнда Лігі Еўропы. Матч у адказ адбудзецца праз тыдзень.
Фота: Belarus.by.
