Да канца года адбудзецца яшчэ адна дэвальвацыя рубля?
Такі прагноз для Беларусі выдалі эксперты аўстрыйскага банка Raiffesein.
На іх думку, да канца года адбудзецца невялікая дэвальвацыя: 1 долар стане каштаваць 9000 рублёў. Як паведамляе infobank.by, аўстрыйскія аналітыкі мяркуюць, што на пачатку 2012 года дэвальвацыя стане больш адчувальнай.
Так, у сакавіку долар можа каштаваць ужо больш за 9,5 тысяч рублёў, за вясну-лета ён скочыць за рысу ў 10 тысяч рублёў. А ў верасні 2012 года курс перавысіць 10,5 тысяч за долар, мяркуюць у банку.
У Raiffesein думаюць, што ў наступным годзе беларуская эканоміка сутыкнецца з застоем.
