Беларусь не выдала Украіне чалавека, блізкага да асяроддзя Януковіча
Гэта бізнэсовец Павел Барулька. Яго вінавацяць у раскраданні 620 млн грыўнаў з Фонду гарантавання ўнёскаў фізічных асоб.
Таксама яго вінавацяць у арганізацыі злачыннай групоўкі. Пра гэта піша "Коммерсант-Украина" са спасылкай на інфармацыю намесніка генпракурора Украіны Рэната Кузьміна.
Беларуская пракуратура заяўляе, што выдача Барулькі можа нанесці шкоду суверэнітэту ці бяспецы краіны.
Аднак супрацоўнікі ўкраінскай Генпракуратуры ўсё ж наведвалі Барульку ў следчым ізалятары КДБ Беларусі. Паводле неафіцыйных звестак, пасля гэтага Барульку вызвалілі з СІЗА КДБ.
Украінскія СМІ паведамляюць, што Барулька жанаты са сваячкай былога Генпракурора Аляксандра Мядзведзькі. Таксама Барулька працаваў памочнікам прэм'ера Януковіча.
Фота — novostey.com
