Альтэрнатыўныя валютныя таргі на біржы пакуль не адкрыліся
Альтэрнатыўныя таргі, па выніках якіх на Беларускай валютна-фондавай біржы павінен усталявацца рыначны курс долара, пакуль не пачаліся.
Пра гэта Еўрарадыё паведаміў супрацоўнік інфармацыйнай службы біржы Віталь Ціханаў.
Ціханаў: “У цяперашні час [25 красавіка, 14:30. — Заўв. Еўрарадыё] мы працуем па звычайным рэгламенце. У ім не прадугледжаныя дадатковыя сесіі”.
Нагадаем, 19 красавіка Нацбанк паведаміў, што да канца красавіка на БВФБ пройдуць першыя альтэрнатыўныя таргі. На іх курс рубля да асноўных замежных валютаў будзе вызначаны аснове попыту і прапановы.
