На беларуска-латвійскай мяжы затрымалі ўкраінца
Затрыманне ўкраінца / Памежны камітэт
У Верхнядзвінскім раёне полацкія памежнікі затрымалі грамадзяніна Украіны, які нелегальна перайшоў мяжу з боку Латвіі, заяўляе прэс-служба Памежнага камітэта.
Памежнікі, як паведамляецца, атрымалі звесткі пра падрыхтоўку да парушэння мяжы. пасля таго, як украінец перайшоў мяжу, за ім сачылі да сустрэчы з яго памочнікам. Абодвух затрымалі ў населеным пункце Яніна памежнікі пры сілавой падтрымцы супрацоўнікаў АМАП. Пазней у наваполацку затрымалі яшчэ двух чалавек — гаворыцца, што яны дапамагалі ўкраінцу трапіць у нашу краіну.
У Памежным камітэце сцвярджаюць, што грамадзянін Украіны накіроўваўся ў Расію "для ажыццяўлення экстрэмісцкай дзейнасці. Высветлілася, што яму забаронены ўезд у Расію і Беларусь як асобе, якая выношвае намеры па дэстабілізацыі грамадска-палітычнага становішча і арганізацыі ячэек экстрэмісцкіх структур у інтарэсах Украіны".
На памочнікаў украінца пачалі крымінальныя справы за групавую арганізацыю незаконнай міграцыі. Ім пагражае да 7 гадоў пазбаўлення волі. Яго самога вінавацяць толькі ў нелегальным перасячэнні дзяржмяжы.
