Каля мяжы з Украінай сфармаваны новы зенітны ракетны полк — Мінабароны Беларусі

У Беларусі сфармаваны "новы зенітны ракетны полк", паведамляе прэс-служба Мінабароны. Вайсковая часць дыслакуецца ў Лунінцы ў Брэсцкай вобласці ў 50 км ад мяжы з Украінай. У чацвер яе наведаў міністр абароны РБ генерал-лейтэнант Віктар Хрэнін. Адзначаецца, што "пры фармаванні палка асаблівая ўвага надавалася стварэнню сучаснай ваеннай інфраструктуры і вучэбна-матэрыяльнай базы, абсталяванню камфартабельных месцаў для размяшчэння асабовага складу".

У Лунінец перавялі вайскоўцаў з іншых часцей ("лепшых спецыялістаў"). Хрэнін уручыў ім ключы — здалі ў эксплуатацыю жылы дом на 72 кватэры (арэнднае жыллё).