Бакіева завочна пасадзілі ў турму на 25 гадоў

Такі прысуд Курманбеку Бакіеву вынесены па справе аб спробе забойства замежнага бізнесмена Шона Дэйлі. Як паведамляюць замежныя інфармагенцтвы, Бакіеў асуджаны на 25 гадоў турмы з канфіскацыяй маёмасці і адбываннем пакарання ў папраўчай калоніі ўзмоцненага рэжыму.

Брат зрынутага прэзідэнта і былы кіраўнік Службы дзяржаўнай аховы Жаныбек Бакіеў асуджаны на пажыццёвае зняволенне з канфіскацыяй маёмасці. Сыны Бакіева Марат і Максім асуджаныя адпаведна на 20 год турмы і пажыццёвае зняволенне.

Курманбек Бакіеў займаў прэзідэнцкую пасаду з 2005 года. 19 красавіка 2010 года пасля дзяржаўнага перавароту ў Кыргызстане прыехаў у Беларусь па асабістым запрашэнні Аляксандр Лукашэнкі. Паводле неафіцыйнай інфармацыі, атрымаў беларускае грамадзянства.

Кыргызскія ўлады неаднаразова звярталіся да афіцыйнага Мінска, каб ім выдалі Бакіева, аднак беларускі бок заўсёды адказваў адмовай.