Амерыканская амбасада ў Мінску прыпыніла выдачу візаў

На сайце амбасады ЗША з’явілася паведамленне, што ў цяперашні час урад Злучаных Штатаў Амерыкі разглядае рэкамендацыю Міністэрства замежных спраў Беларусі ад 17 сакавіка аб скарачэнні штату Амбасады ЗША ў Мінску. “У сувязі з гэтым разгляд візавых заяў часова прыпынена, так як у цяперашні час нашыя рэсурсы накіраваныя на іншыя прыярытэты. Некаторыя ужо прызначаныя візавыя сумоўі былі адкладзеныя. Далейшая інфармацыя будзе прадастаўленая, калі будуць вызначаныя магчымасць і аб’ёмы прадастаўлення візавых паслугаў Амбасадай ЗША”, - паведамляецца на сайце амбасады.

Нагадаем, паводле згаданых рэкамедацыяў МЗС Беларусі на мінулым тыдні нашую краіну пакінула амбасадарка ЗША Карэн Сцюарт.