Алігарх Ахметаў заклікаў рабочых Данбаса на страйк супраць сепаратызму

Ён падкрэсліў, што дзеянні ўзброеных сепаратыстаў з'яўляюцца "барацьбой супраць Данбаса". Пра гэта гаворыцца ў яго экстранай заяве, агучанай у эфіры тэлеканала "Украіна".

Ён нагадаў, што 19 траўня каля 50 тысяч марыупальцаў збіраліся правесці марш міру. "Людзі стаміліся жыць у страху. Стаміліся жыць у тэроры. Стаміліся выходзіць на вуліцы і трапляць пад кулі. Па Данбасе ходзяць з аўтаматамі, гранатамётамі, у гарадах бандытызм і марадзёрства. Гэта хіба мірнае жыццё? Гэта хіба моцная эканоміка? Гэта хіба годная праца і годны заробак? Не! і менавіта таму людзі хацелі выйсці на марш міру", — перадае УНІАН словы Ахметава.

Ён выступіў супраць так званай "Данецкай народнай рэспублікі" і назваў яе генацыдам Данбаса. Таксама Ахметаў заклікаў рабочых Данбаса да папераджальных страйкаў па ўсім рэгіёне.

Фота — novanews.com.ua