Юлка Каціч упершыню заспявала па-беларуску

Мінская спявачка Юлка Каціч прэзентуе на Еўрарадыё сваю першую беларускамоўную песню, якую яна напісала на верш “Муза” паэта Алеся Плоткі. Цікава, што гэты ж верш са зборніка “Байсан” ужо выкарыстаў у сваёй творчасці гурт Naka.
“Мне даўно хацелася заспяваць па-беларуску і я нарэшце знайшла падыходзячы тэкст, — распавядае Каціч. — Для мяне было сюрпрызам даведацца, што я не першая, каму прыглянуўся гэты верш. Але песня да таго моманту была ўжо напісаная, таму я рада прэзентаваць прынцыпова іншае прачытанне “Музы” Алеся Плоткі”.
Па словах Юлкі, у яе была канцэпцыя і вобразы будучага кліпа, але для таго, каб усё ўз’яднаць у відэшэраг і зрэжысаваць кліп, яна звярнулася да відэапрадзюсара Макса Багдановіча.